Munduko Datu Ireki atariak

Data:

2016-09-30

Mundu mailako Datu Irekien atariak ezagutu nahi dituzu?

Datuak irekitzearen garrantzia dela eta, Datu Irekien atariak etengabe ari dira ugaltzen mundu mailan. Atari horiei esker herritar orok du datu publikoak ikusteko aukera. Dena den, jakina da herritar edo erabiltzaileentzat ez dela beti erraza izaten datu horiek aurkitzea edota argitaratuta dauden atariak ezagutzea.

Hori dela eta, OpenDataSoft enpresak (datuak zerbitzu berritzaile bihurtzeko plataformak garatzen dituena), mundu mailan argitaratuta dauden datu irekien inguruko atari guztiak gune jakin batean bateratzea erabaki zuen, “Open Data Inception” izeneko proiektuan. Gaur egun 2600 baino atari gehiago dauzkate identifikatuta.

Open Data Inception orrialdean honakoa aurki dezakezu:

• Mundu mailako mapa interaktiboa. Bertan, datu irekien atariak ageri dira dagozkien koordenatuen arabera kokatuta. Datu irekien atariak non dauden eta dentsitatea aztertzeko aukera ematen du.
• Datu Ireki atarien zerrenda, herrialdez herrialde sailkatua. Zerrenda horretan, interesatzen zaizun herrialdean dauden atariak ikus ditzakezu.

Gipuzkoa Irekia ataria ere mapan kokatua ikus dezakezue.

Oharra: jatorrizko orrialdeak ingelesez daude.