Atzealdea

Udalak Gipuzkoa irekiaren parte

Atzealdea

Udalak Gipuzkoa irekiaren parte

Data:
2015-02-20

Gipuzkoako udalak ere Gipuzkoa Irekiaren parte!

Jadanik badira bi aste Gipuzkoa irekia ataria argitaratu genuela.
Hasiera batean, Gipuzkoako Foru Aldundia, Foru organismo autonomo eta merkataritzako foru sozietateen (Uliazpi, Kabia, IZFE; Itten, Bidegi) eta Batzar Nagusien informazioa jarri dugu eskuragarri atarian.
Alde batetik, herritarrentzako interesgarria izan daitekeen kudeaketa publikoaren informazioa, eta bestalde, administrazioak bereak dituen datu-multzo ugari "datu ireki" formatuan argitaratu ditugu oraingoz.
Etorkizunean, Partaidetzarako gune bat ere erantsiko dugu atarian.

Otsailean, Gipuzkoako Udal eta Mankomunitateei zabaldu diegu Gipuzkoa irekiaren parte izateko gonbidapena.
Tokiko administrazioek 2015ko Abendurarteko epea dute berauen kudeaketa publikoaren informazioa argitaratu ahal izateko.
Udal eta mankomunitateek Gipuzkoa irekian informazioa argitaratu ahal izateko, alta emango diegu lehendabizi eta ondoren formakuntza. Behin formakuntza jasotakoan hasi ahal izango dira informazioa argitaratzen.
Dena den, parte-hartzea eskatu duten udal eta mankomunitateen logoak atarian argitaratu ditugu dagoeneko.
Jadanik, 21 udal eta mankomunitate batek luzatu digute Gipuzkoa irekiaren parte izateko eskaera. Pixkana pixkana, Gipuzkoako udal guztien atxikipena osatzea espero dugu.
Oraindik ez baduzu zure parte-hartzea eskatu, horretara animatu nahi zaitugu.
Gipuzkoa Irekia