Atzealdea

Gipuzkoako Foru Aldundia estatu mailako diputaziorik gardenena!

Atzealdea

Gipuzkoako Foru Aldundia estatu mailako diputaziorik gardenena!

Data:
2015-07-10

Asociación para la Transparencia Pública elkarteak egindako gardentasun neurketan lehen postua eskuratu du Gipuzkoako Foru Aldundiak.

Asociación para la Transparencia Pública elkarteak egindako gardentasun neurketan lehen postua eskuratu du Gipuzkoako Foru Aldundiak.

Asociación para la Transparencia Pública elkartea Estatuko erakunde publiko ezberdinen gardentasun neurketak egiten ari da. Lehendabizi probintzia hiriburu diren udalen sailkapena egin zuen eta ondoren Andaluziako 15.000 biztanletik gorako hirien sailkapena. Oraingoan, diputazioei tokatu zaie txanda.

Atzo bertan argitaratu zuten Dyntra plataforman estatu mailako diputazio gardenenen sailkapena eta Gipuzkoako Foru Aldundiak lehen postua eskuratu du, neurtutako 181 adierazletatik 147 beteta. Ranking honetan sartu dituzte Diputazio Probintzialak, Foru Aldundiak eta irletako Kabildo eta Kontseiluak.

Dyntraren helburua Gobernu, Administrazio publiko, partidu politiko, hautetsi eta gainontzeko eragile sozialen informazio publikoa era dinamiko, eraginkor, garden eta irekian neurtu ahal izatea da. Hori lortu ahal izateko, adierazle ezberdinak garatu dituzte, gobernu eta gizatalde bakoitzaren beharrei erantzunez.

Aipatu beharrekoa da Gipuzkoako Foru Aldundiak gobernu irekiaren eta gardentasunaren alde egindako apustua. Otsailean jarri genuen abian gipuzkoairekia.eus, gardentasun eta datu irekien ataria. Gipuzkoa osoko erakundeentzako eta erakundeekin eraikitako ataria da eta gipuzkoarrontzako ataria izatea du helburu.

Gipuzkoa Irekiak informazio publikoa herritarren esku jartzea du helburu, eta ildo horretan lanean jarraituko dugu.

Estekak