Atzealdea

Donostiako udala, hiribururik gardenena!

Atzealdea

Donostiako udala, hiribururik gardenena!

Data:
2015-03-05

Donostiako udala, hiribururik gardenena gisa gailendu da, Transparencia Pública elkartearen Dyntra indikatzaileen arabera; neurtutako 142 indikatzaileetatik 129 betetzen dituelarik.

Gasteiz, Iruña eta Bartzelonako udalak daude ondoren. Emaitza guztiak, esteka honetan ikus daitezke.

Bestalde, Donostiako udala 100tik 98,8 punturekin baloratua izan da, Transparencia Internacionalen adierazleen arabera.

Erakunde publiko ezberdinek informazioa zenbaterainoko gardentasunarekin argitaratzen duten neurtzerakoan, ebaluaketa hori egin ahal izateko adierazle egokiak aurkitu beharra dago.

Estatu mailan, bi erakunde daude, erakunde publikoen gardentasuna hobetzeko asmoz, gardentasuna neurtzeko adierazleak zehaztu dituztenak:

  • Transparency International nazioarteko gobernuz kanpoko erakundea, 1993an sortua, eta estatu mailan 2006. urtean sortutako Transparencia Internacional Españak (TI-España) ordezkatua. Bere jardueraren markoan, TI-Españak lau gardentasun adierazle landu eta argitaratu ditu, erakunde motaren arabera (ITA):
    • - Udalen gardentasun adierazleak;
    • - Autonomi erkidegoen adierazleak;
    • - Uraren kudeaketaren gardentasun adierazleak;
    • - Diputazioen gardentasun adierazleak;
    • - Parlamentuen gardentasun adierazleak.

    Adierazle horien bidez, erakunde publiko ugarik erakusten duten informazio publikoaren gabezia eta gardentasun ezari aurre egin nahi zaio.

  • Transparencia Pública gobernuz kanpoko erakundea, 2014ean sortua, eta gardentasuna eta gobernu irekiaren aldeko defendatzaile gogotsu diren gizarte ikertzaileek osatua. Elkarte horren helburua, gobernu, administrazio publiko, alderdi politiko, hautetsi eta aktore-sozial ezberdinen informazio publikoaren neurketa egitea da. Horretarako, Dyntra sortu dute, lehen gardentasun adierazle dinamikoa. Tresna horren bidez, gardentasun publikoa denbora errealean neurtu daiteke, eta administrazioak berak kudeatu dezake tresna hori. Bestalde, informazio guzti hori, edozein herritarrek, gizarte-aktorek edo erakunde publikok ikuskatu dezake. Oraingoz, Dyntrak 15.000 biztanletik gorako udalentzako adierazleak ditu, DAM (Dyntra Ayuntamientos y Municipios). Dyntrak, bere 142 adierazleen artean ITAren 80 adierazle barneratu ditu, beste ikerketa batzuetan identifikatutako 62 adierazleekin osatua.

 

Transparencia Pública elkarteko lehendakaria, Juan Manuel Roa, eta bere lankide Luis Rodriguez, gaur Martxoak 5, Donostian dira Donostiako udalari, estatu mailako hiriburu gardenena izateagatik saria banatzeko asmoz.

Atzo arratsaldeam Gipuzkoako Foru Aldundiko ordezkariak, Transparencia Pública-ko ordezkariekin elkartu ziren, gardentasunaren gaiari buruz, Gipuzkoa Irekia atariari buruz eta Dyntra adierazleei buruz hitzegiteko.